უორვიკის უნივერსიტეტის მეცნიერებმა შემოგვთავაზეს „სენდვიჩის თეორია“ - პლანეტების ფორმირების ახალი მოდელი, რომელიც ხსნის, თუ როგორ შეიძლება უფრო პატარა პლანეტა ჩამოყალიბდეს ვარსკვლავურ სისტემაში არსებულ ორ უფრო დიდ პლანეტას შორის.
პლანეტების ფორმირების კლასიკური მოდელი ვარაუდობს, რომ პლანეტები წარმოიქმნება პროტოპლანეტარული დისკებიდან, რომლებიც ვარსკვლავის გარშემო სისტემის ევოლუციის ადრეულ ეტაპზე ყალიბდება. დროთა განმავლობაში, პროტოპლანეტარული დისკიდან წამოსული ნაწილაკები „ერთმანეთს თოვლის ბურთივით ეკვრის“ და მილიონობით წლის განმავლობაში უფრო დიდ სხეულებს ქმნის. კლასიკური თეორია ასევე ხსნის, თუ რატომ აღმოჩნდნენ კლდოვანი პლანეტები, როგორიცაა ვენერა და დედამიწა, მზესთან უფრო ახლოს, ხოლო გაზის გიგანტები, სატურნი და იუპიტერი, გარკვეულწილად უფრო შორს.
უორვიკის უნივერსიტეტის მეცნიერებმა წამოაყენეს თეორია, რომლის მიხედვითაც პროტოპლანეტარული დისკები მონაცვლეობით მოძრაობენ მატერიის რგოლებსა და სიცარიელეებს შორის, სადაც პლანეტები უკვე ჩამოყალიბდა. მათ შორის მტვრის ნაკადები შედარებით მცირეა, მაგრამ უფრო პატარა პლანეტები შეიძლება წარმოიქმნას მატერიის ამ ნარჩენ რგოლებში უფრო დიდ „და-ძმებს“ შორის. ისინი ჰგვანან შიგთავსის თხელ ფენას სენდვიჩში პურის ორ სქელ ნაჭერს შორის.
კვლევის ავტორები აცხადებენ, რომ ეგზოპლანეტებზე მათმა დაკვირვებებმა დაადასტურა მათი ჰიპოთეზა. ეს ასევე ხსნის მარსის და ურანის გამოჩენას მზის სისტემაში, რომლებიც ორივე მხრიდან უფრო დიდი პლანეტებით არიან გარშემორტყმულნი.