რუსმა მომღერალმა GUMA-მ (ნამდვილი სახელი ანასტასია გუმენიუკი) Instagram-ზე თავისი ახალი სიმღერის დემო ვერსია გამოაქვეყნა. სოციალური ქსელის მომხმარებლებმა მომღერალი მოლდოველი მომღერლის, ირინა რიმესის სიმღერის „იელელე“ პლაგიატში დაადანაშაულეს.
14 სექტემბერს რუსმა მომღერალმა GUMA-მ გააზიარა კადრები, სადაც მისი ახალი სიმღერის დემო ვერსიაა წარმოდგენილი.
„ვიწყებ ტრეკის გამოშვებაზე მუშაობას! მადლობა მხარდაჭერისა და ყველა თბილი სიტყვისთვის. თქვენ მომისმინეთ და მეც თქვენი“, - წერს მომღერალი.
ვიდეოს ქვეშ კომენტარებში სოციალური მედიის მომხმარებლებმა ის პლაგიატში დაადანაშაულეს.
„ირინა რიმესის — იელელეს სუფთა პლაგიატი“, „სიმღერა შესანიშნავია, მაგრამ მათ მუსიკა და რიტმი მოლდოველი მომღერლისგან დააკოპირეს. ინდივიდუალურობა ბევრად უკეთესი იქნებოდა“, „პლაგიატი, დიახ, მელოდია ასლია, მაგრამ ტექსტი არა. და გულწრფელად რომ ვთქვა, მინდა კიდევ ერთხელ მოვუსმინო, არა, ქალბატონებო და ბატონებო?“ — წერენ ინსტაგრამის მომხმარებლები.
თავად მომღერალმა ბრალდებებზე კომენტარი არ გააკეთა.