დაღესტნის საერთაშორისო აეროპორტი ათასამდე ანტისემიტმა მომიტინგემ დატბორა. ბრბო ისრაელის მოქალაქეების „ექსტრადიციას“ ითხოვდა, რომლებიც, სავარაუდოდ, თელ-ავივიდან რეისით ჩავიდნენ. ისრაელმა პროტესტი „პოგრომისტებს“ და „ველურ წაქეზებას“ დააბრალა.
ისრაელმა რუსეთს მოუწოდა, უზრუნველყოს თავისი მოქალაქეებისა და ებრაელების უსაფრთხოება მახაჩკალის (კასპიისკი) აეროპორტზე შტურმისა და ანტისემიტური შეტაკებების შემდეგ.
კვირა საღამოს, ასობით ადამიანმა შტურმით აიღო მახაჩკალის აეროპორტის ტერმინალი და ასაფრენი ბილიკი მას შემდეგ, რაც მიიღეს გაფრთხილება, რომ იქ თელ-ავივიდან მომავალი თვითმფრინავი უნდა დაეშვა.
დემონსტრანტებმა ასევე გააჩერეს მანქანები და სცადეს აეროპორტიდან ისრაელის მოქალაქეების მოსაძებნად გასული ადამიანების პასპორტების შემოწმება.
სოციალურ მედიაში გავრცელებულ კადრებში ხალხში ჩანდა პლაკატები წარწერებით „დაღესტანში ბავშვთა მკვლელების ადგილი არ არის“ და „ჩვენ ებრაელი ლტოლვილების წინააღმდეგი ვართ“.
ვიდეოს თანახმად, ანტისემიტი მეამბოხეები Red Wings Airlines-ის თვითმფრინავს თავს დაესხნენ და მის ფრთიდან შიგნით ასვლას ცდილობდნენ.
ასევე გავრცელდა ვიდეოები იმ ადამიანების „დაკითხვის“ შესახებ, რომლებსაც „ებრაელებად აერიათ“. Telegram-ის რამდენიმე არხის ცნობით, არეულობის მონაწილეებმა აეროპორტის შენობაში „ჩხრეკა“ ჩაატარეს. შეშინებული თანამშრომლები თავიანთ ოფისებში დაიმალნენ.
დაღესტნის ჯანდაცვის სამინისტრომ 20 დაღუპულის შესახებ განაცხადა, მათ შორის არიან „როგორც პოლიციელები, ასევე მშვიდობიანი მოქალაქეები“.
ვრცელდება ინფორმაცია, რომ აეროპორტის მიმართულებით ჯავშანტექნიკა გაიგზავნა და აეროდრომზე სამხედრო ვერტმფრენი დაეშვა.
„როსავიაციამ“ თავდაპირველად აეროპორტის დროებით დახურვის შესახებ განაცხადა. მოგვიანებით, მახაჩკალის აეროპორტის 6 ნოემბრამდე დახურვის შესახებ გახდა ცნობილი. დილით ადრე სააგენტომ განაცხადა, რომ სიტუაცია „სტაბილიზდა“ და აეროპორტი 31 ოქტომბრამდე დაკეტილი დარჩებოდა.
