ალექსანდრე ტიუნინი

ის ცნობით , Umatex-ის აღმასრულებელი დირექტორის, ალექსანდრე ტიუნინის ცხედრის მახლობლად თვითმკვლელობის წერილი იპოვეს.

მასში მან აღიარა: „მე თვითონ გავაკეთე ეს, დავიღალე 5 წლიანი დეპრესიასთან ბრძოლით, ეს უარესდება, ძალა აღარ მაქვს“.

ტრაგედია 19 სექტემბერს, სოფელ კოკოშკინოს მახლობლად მოხდა. 50 წლის ტოპ-მენეჯერის ცხედარი მისი მანქანის მახლობლად, სოფლის გზაზე იპოვეს, ახლოს კი თოფი იდო. Telegram-ის არხების ცნობით, ეს თვითმკვლელობა იყო.

ალექსანდრე ტიუნინს მეუღლე და ორი ვაჟი დარჩა. მან კარიერა ტელეკომუნიკაციების სექტორში დაიწყო, სადაც 2001 წლიდან 2013 წლამდე წამყვან კომპანიებს ხელმძღვანელობდა. 2013 წელს ის კომპოზიტური მასალების წარმოებაზე გადავიდა, ხოლო 2016 წელს კომპანიის აღმასრულებელი დირექტორი გახდა, რომელსაც მოგვიანებით სახელი შეეცვალა და Umatex ეწოდა.

„უმატექსი“ ნახშირბადის ბოჭკოს გლობალური ლიდერია. 2023 წლის თებერვალში კომპანია აშშ-ის სანქციების ქვეშ მოექცა, თუმცა შიდა ბაზარზე ოპერირება განაგრძო.

ტიუნინის გარდაცვალება რუსი მაღალი თანამდებობის პირების ტრაგიკული სიკვდილის სავალალო სიას ემატება. Telegram-ის არხის Baza-ს ცნობით, 2022 წლიდან მსგავს ვითარებაში სულ მცირე 17 აღმასრულებელი გარდაიცვალა. მათ შორისაა „ტრანსნეფტის“ ვიცე-პრეზიდენტი ანდრეი ბადალოვი, რომელიც ივლისში მე-17 სართულიდან გადმოვარდნის შემდეგ გარდაცვლილი იპოვეს.