ნატოს გენერალურმა მდივანმა იენს სტოლტენბერგმა განაცხადა, რომ უკრაინამ უახლოეს კვირებში რუსეთის ჯარების კიდევ უფრო სასტიკი შეტევისთვის უნდა მოემზადოს. ამის შესახებ მან Welt am Sonntag-თან ინტერვიუში განაცხადა.
„ჩვენ უნდა მოვემზადოთ რუსული შეტევისთვის და კიდევ უფრო დიდი სისასტიკისთვის, კიდევ უფრო დიდი დანაკარგებისთვის და სასიცოცხლოდ მნიშვნელოვანი ინფრასტრუქტურისა და საცხოვრებელი ტერიტორიების კიდევ უფრო დიდი განადგურებისთვის“, - უპასუხა მან ჟურნალისტის კითხვას, თუ რას უნდა ველოდოთ მომდევნო კვირების განმავლობაში.
სტოლტენბერგის თქმით, დონბასში რუსეთის ამჟამინდელი შეტევა ჯერ კიდევ არ იძენს იმპულსს, რადგან უკრაინელი ჯარები თავს იცავენ.
მან ასევე აღნიშნა, რომ ნატო ხედავს მკვეთრ კონტრასტს რუს და უკრაინულ ჯარებს შორის: უკრაინის შეიარაღებულმა ძალებმა იციან, რისთვის იბრძვიან, ოკუპანტებისგან განსხვავებით, რომლებიც ცუდი ლიდერობით, დაბალი მორალით იტანჯებიან და ბევრი მათგანი არ იცის, რისთვის იბრძვის.
