ბელარუსი მზადაა მოიგერიოს ნებისმიერი გარე აგრესია, განაცხადა პრეზიდენტმა ალექსანდრე ლუკაშენკომ რუსეთის თავდაცვის მინისტრ სერგეი შოიგუსთან შეხვედრაზე. თავდაცვის სამინისტროს ხელმძღვანელმა მინსკში თავის ბელარუს კოლეგასთან, ვიქტორ ხრენინთან, ხელი მოაწერა განახლებულ სამხედრო-ტექნიკურ თანამშრომლობის ხელშეკრულებას.
დასავლელი ანალიტიკოსების თქმით, მოსკოვი მინსკზე ზეწოლას აგრძელებს, თუმცა მიაჩნიათ, რომ ომში ბელორუსის პირდაპირი ჩარევა ქვეყანაში არსებული ვითარების გამო უკიდურესად ნაკლებად სავარაუდოა.
ორივე მხარის ცნობით, ფრონტზე სიტუაცია შედარებით სტაბილურია. შაბათს საღამოს, რუსულმა ძალებმა დონეცკის რეგიონში, კრამატორსკის ინდუსტრიულ ზონაზე სარაკეტო იერიში მიიტანეს. მოსკოვი აცხადებს, რომ რაკეტები უცხოელი დაქირავებული მებრძოლების განთავსებულ ადგილებს მოხვდა.
აღმოსავლეთ უკრაინაში ყველაზე დაძაბული ტერიტორია ბახმუტი რჩება, რომლის აღებასაც ზაფხულიდან რუსი ჯარები უშედეგოდ ცდილობენ.
