მრავალმოთამაშიანი საშინელებათა თამაშის, Dead by Daylight-ის შემქმნელებმა Alien ფრენჩაიზთან კროსოვერის თიზერი გამოაქვეყნეს.
დეტალები 8 აგვისტოს გახდება ცნობილი. ამ ეტაპზე მხოლოდ იმის ვარაუდი შეგვიძლია, რომ მოთამაშეები პირველი ფილმიდან Nostromo-ს ბორტზე ქსენომორფთან ერთად დამალობანას ითამაშებენ.
ნებისმიერ შემთხვევაში, თიზერ-კადრი ძალიან მოგვაგონებს ცნობილი კოსმოსური ხომალდის ინტერიერს. გარდა ამისა, ვიდეო რიდლი სკოტის ფილმის საწყისი ტიტრების მსგავსად არის შექმნილი, სადაც ეკრანზე თანდათანობით გამოჩენილი ასოები საბოლოოდ სიტყვა „უცხოპლანეტელს“ ქმნიან.
