სამხრეთ კორეის ხელისუფლება ძაღლების მოხმარების აკრძალვას 2027 წლისთვის გეგმავს, იტყობინება inbusiness.kz Daily Mail-ზე დაყრდნობით.
ინიციატივის ავტორების თქმით, აკრძალვა ცხოველთა უფლებების შესახებ მზარდი ცნობიერების ფონზე შემოიღება.
„დადგა დრო, ძაღლის ხორცის მოხმარებასთან დაკავშირებული სოციალური კონფლიქტები და დავები დასრულდეს კონკრეტული კანონის მიღებით, რომელიც ამ ფენომენის შეჩერებას ისახავს მიზნად“, - ნათქვამია განცხადებაში.
კანონპროექტის წარდგენის შემდეგ, ის ქვეყნის პარლამენტმა უნდა დაამტკიცოს.
ამ ნაბიჯის კომენტირებისას, „ჰუმან სოსიეით ინტერნეშენალმა“ განაცხადა, რომ ეს გადაწყვეტილება „ოცნება იყო ყველა ჩვენგანისთვის, ვინც ასე ძალიან ვიბრძოდით ამ სისასტიკის დასასრულებლად“.
„სამხრეთ კორეის მთავრობის მიერ ძაღლის ხორცის ინდუსტრიის აკრძალვის შესახებ ინფორმაციის მიღება ყველა ჩვენგანისთვის ოცნების ახდენას ჰგავს“, - განაცხადეს ორგანიზაციის წარმომადგენლებმა.
მედიის ცნობით, ძაღლის ხორცის ჭამა კორეის ნახევარკუნძულზე დიდი ხნის პრაქტიკაა და ზაფხულის სიცხესთან გამკლავების ერთ-ერთ საშუალებად ითვლება. თუმცა, მონაცემები აჩვენებს, რომ ასეთი კერძების პოპულარობა წლიდან წლამდე მცირდება.
