გავრცელდა ინფორმაცია, რომ GTA VI-ის 220-მა დეველოპერმა მოითხოვა ცოტა ხნის წინ გათავისუფლებული კოლეგების სამსახურში აღდგენა.
Rockstar-მა 34 თანამშრომელი გაათავისუფლა კონფიდენციალური ინფორმაციის გაჟონვაში ბრალდებით, თუმცა თანამშრომლები საპირისპიროს ამტკიცებენ.
IWGB-ის პროფკავშირმა განაცხადა, რომ გათავისუფლებული თანამშრომლები დახურული პროფკავშირული ჩატის, Discord-ის წევრები იყვნენ და კომპანიის შიგნით ორგანიზებას ცდილობდნენ. პროფკავშირი მიიჩნევს, რომ გათავისუფლებები ამ მცდელობებზე რეაგირებაა.
მუშები კოლეგების დაბრუნებას ითხოვენ
IWGB-ის ცნობით, Rockstar North-ის მენეჯმენტმა მიიღო წერილი, რომელსაც ხელს აწერდა 220 ამჟამინდელი თანამშრომელი. ისინი მოითხოვენ ყველა გათავისუფლებულის დაუყოვნებლივ აღდგენას სამსახურში. ერთ-ერთმა ყოფილმა თანამშრომელმა თქვა: „სასიამოვნოა ამდენი ადამიანის ხილვა, რომლებიც მხარს გვიჭერენ და მენეჯმენტს პასუხისმგებლობას აკისრებენ“.
პროფკავშირმა უკვე შეიტანა სარჩელი Rockstar-ის წინააღმდეგ, სამსახურში აღდგენის მოთხოვნით. IWGB ასევე მართავს საპროტესტო აქციებს Take-Two-სა და Rockstar-ის ოფისებთან. ახალი საპროტესტო აქცია 18 ნოემბერს ედინბურგში იგეგმება.
საქმე ბრიტანეთის პარლამენტამდე მივიდა
თემთა პალატამ სიტუაციით დაინტერესდა. მათ კითხვები დასვეს Rockstar-ის თანამშრომლების მიმართ მოპყრობასთან დაკავშირებით და პირობა დადეს, რომ ამ ინფორმაციას სამთავრობო სამინისტროებს გადასცემდნენ. სანამ მსოფლიო GTA VI-ის გამოსვლას ელოდება, სტუდიაში კონფლიქტი გრძელდება.
