შაბათ საღამოს მოსკოვის ოლქში გარდაიცვალა ფილოსოფოსისა და პოლიტოლოგის, ალექსანდრ დუგინის 29 წლის ქალიშვილი, დარია დუგინა, რომელიც რუსეთის პრეზიდენტის, ვლადიმერ პუტინის, „ტვინსა“ და „მენტორს“ და „რუსული სამყაროს“ იდეოლოგს წარმოადგენს. ითვლება, რომ მისი იდეები რუსეთის მიერ უკრაინაში შეჭრის საფუძველი გახდა.
დარია დუგინა „ტრადიციის“ პატრიოტული ფესტივალიდან ბრუნდებოდა, როდესაც მისი ჯიპი მოჟაისკის გზატკეცილზე გადაადგილებისას აფეთქდა. ის ადგილზე გარდაიცვალა; გამომძიებლები ვარაუდობენ, რომ მის მანქანაში ასაფეთქებელი მოწყობილობა იყო დამონტაჟებული. ზოგიერთი ცნობით, მანქანაში მისი მამა უნდა ყოფილიყო, მაგრამ ბოლო წუთს მან სხვა ავტომობილით მგზავრობა გადაწყვიტა.
უკრაინის პრეზიდენტის ადმინისტრაციის ხელმძღვანელის მრჩეველმა, მიხაილ პოდოლიაკმა, განაცხადა, რომ უკრაინას ინციდენტთან არანაირი კავშირი არ აქვს. „ხაზს ვუსვამ, რომ უკრაინას ამასთან ნამდვილად არანაირი კავშირი არ აქვს, რადგან ჩვენ არ ვართ კრიმინალური სახელმწიფო, როგორც რუსეთის ფედერაცია და რა თქმა უნდა, არც ტერორისტული სახელმწიფო“, - ხაზი გაუსვა მან ტელემარათონის დროს.
მანამდე, თვითგამოცხადებული დონეცკის სახალხო რესპუბლიკის ხელმძღვანელმა, დენის პუშილინმა, დარია დუგინას მკვლელობაში „უკრაინის რეჟიმის ტერორისტები“ დაადანაშაულა.
