უკრაინაში ბრძოლაზე უარის თქმის გამო ორი კვირის განმავლობაში სარდაფში გამოკეტილი რუსი ჯარისკაცები რუსეთის საგამოძიებო კომიტეტისგან მოითხოვენ სისხლის სამართლის საქმის აღძვრას ადამიანის გატაცების, უკანონო პატიმრობისა და უფლებამოსილების ბოროტად გამოყენების ფაქტებზე, იუწყება Meduza.
ადამიანის უფლებათა დამცველი ორგანიზაცია „აგორას“ ხელმძღვანელმა, პაველ ჩიკოვმა განაცხადა, რომ ჯარისკაცებმა სისხლის სამართლის საქმის აღძვრა მოითხოვეს.
ორმა კონტრაქტორმა ჯარისკაცმა — ერთი მოსკოვიდან, მეორე ფსკოვიდან — რომლებიც აგვისტოში უკრაინის ლუგანსკის რეგიონში საბრძოლველად გაგზავნეს, ხელისუფლებას მიმართა.
ფრონტზე ჩასვლისთანავე ჯარისკაცებმა სამედიცინო და მატერიალურ მხარდაჭერასთან დაკავშირებული პრობლემები აღმოაჩინეს, რამაც ისინი ბრძოლაში მონაწილეობაზე უარის თქმისკენ აიძულა.
საბოლოოდ, ისინი სარდაფში ჩაკეტეს დაახლოებით 280 სხვა ჯარისკაცთან ერთად, რომლებმაც ბრძოლაზე უარი თქვეს. ისინი იქ ორი კვირის განმავლობაში არაადამიანურ პირობებში იმყოფებოდნენ.
პატიმრობის დროს მათ რეგულარულად ემუქრებოდნენ და ფსიქოლოგიურ ზეწოლას ახდენდნენ.
სარდაფში მყოფ პატიმრებს შორის მობილიზებულ ჯარისკაცებსაც იყვნენ.
კონტრაქტების ვადის ამოწურვის შემდეგ, სამხედრო მოსამსახურეები როსტოვის რეგიონში გადაიყვანეს, მობილიზებული ჯარისკაცები კი სარდაფში დარჩნენ.
