ხუთშაბათს, პლენარულ სხდომაზე, სახელმწიფო დუმამ მეორე და მესამე მოსმენით მიიღო კანონპროექტი, რომელიც კრძალავს რუსი სუროგატი დედების მომსახურებას უცხოელებისთვის.
დოკუმენტი ქვედა პალატას გასული წლის დეკემბერში დეპუტატებისა და სენატორების ჯგუფმა წარუდგინა და პირველი მოსმენით მაისში მიიღო.
ტექსტი ითვალისწინებს, რომ სუროგატი დედების მომსახურებით სარგებლობა მხოლოდ რუსეთის მოქალაქეებს - დაქორწინებულ ან მარტოხელა ქალებს, რომლებსაც სამედიცინო მიზეზების გამო არ შეუძლიათ შვილების ყოლა.
„კანონის მიზანია სუროგაციის აკრძალვა უცხო ქვეყნის მოქალაქეებისთვის. ჩვენ არ ვიცით ვინ მოდის და არც ის ვიცით, სად მიჰყავთ ბავშვები. ესენი ჩვენი შვილები არიან. ისინი შეიძლება ორგანოების მისაღებად წაიყვანონ ან ერთსქესიან ოჯახებში გადაიყვანონ...“ - განაცხადა სახელმწიფო დუმის თავმჯდომარემ, ვიაჩესლავ ვოლოდინმა.
ვოლოდინის თქმით, ბოლო წლებში სუროგატი დედებისგან დაბადებული 45 000 ბავშვი საზღვარგარეთ გაიყვანეს. სუროგაციის ბრუნვამ, რომელსაც ვოლოდინი „დიდ უკანონო ბიზნესად“ მიიჩნევს, შესაძლოა 2 მილიარდ ევროს გადააჭარბოს.
მისი განვითარების იმპულსი 2020 წლის იანვრის მოვლენებმა გამოიწვია, როდესაც მოსკოვის ერთ-ერთ ბინაში რამდენიმე ჩვილი აღმოაჩინეს, რომელთაგან ერთი გარდაცვლილი იყო. საგამოძიებო კომიტეტმა ადამიანებით ვაჭრობის ფაქტზე სისხლის სამართლის საქმე აღძრა და შემდგომში რვა ადამიანი - რეპროდუქციული კლინიკების თანამშრომელი - დააკავეს.
კანონი ძალაში შევა მისი ოფიციალური გამოქვეყნების დღიდან.
