დეპუტატებისა და სენატორების ჯგუფმა სახელმწიფო სათათბიროში წარადგინა კანონპროექტი , რომელიც შეიცავდა „რუსეთის ფედერაციაში ახალგაზრდული პოლიტიკის შესახებ“ კანონის დებულებებს.
კერძოდ, დოკუმენტი ახალგაზრდებს 14-დან 35 წლამდე ასაკის პირებად განსაზღვრავს.
კანონპროექტის განმარტებით ბარათში ნათქვამია, რომ იგი შემუშავდა რუსეთის ფედერაციის შესწორებული კონსტიტუციის დებულებების გაფართოების მიზნით. ავტორები აღნიშნავენ, რომ ახალგაზრდული პოლიტიკის სფეროში სამართლებრივი ურთიერთობები რეგულირდება მხოლოდ კანონქვემდებარე აქტებითა და რეგიონული კანონებით, თუმცა ამ საკითხისადმი ერთიანი, სისტემური მიდგომა არ არსებობს.
შემუშავებულ დოკუმენტში მოცემულია სიტყვა „ახალგაზრდობასთან“ დაკავშირებული ცნებების განმარტებები (მაგალითად, „ახალგაზრდა ოჯახი“, „ახალგაზრდული ორგანიზაცია“), დაკონკრეტებულია ახალგაზრდული პოლიტიკის სფეროში მოქმედი სუბიექტები, მიზნები, პრინციპები და ძირითადი მიმართულებები.
