გაყვანის შემდეგ, რუსეთის მოქალაქეებს აღარ შეეძლებათ ადამიანის უფლებათა ევროპულ სასამართლოში გასაჩივრება და მოსკოვს არ ექნება ვალდებულება, გააუქმოს სიკვდილით დასჯა.
რადიო თავისუფლების რუსული სამსახურის ცნობით, ამის შესახებ სახელმწიფო დუმის დეპუტატმა პიოტრ ტოლსტოიმ 15 მარტს განაცხადა.
გაყვანის შემდეგ, რუსეთის მოქალაქეებს აღარ შეეძლებათ ადამიანის უფლებათა ევროპულ სასამართლოში გასაჩივრება და მოსკოვს არ ექნება ვალდებულება, გააუქმოს სიკვდილით დასჯა.
რუსეთი ევროპის საბჭოს 1996 წელს შეუერთდა. 25 თებერვალს ორგანიზაციამ მოსკოვის წევრობა შეაჩერა რუსეთის არმიის მიერ უკრაინის ტერიტორიაზე სრულმასშტაბიანი შეჭრის გამო.
როგორც იმ დროს გავრცელდა ინფორმაცია, გადაწყვეტილება ნიშნავს, რომ რუსეთის ფედერაცია რჩება ევროპის საბჭოს წევრად და ევროპის საბჭოს შესაბამისი კონვენციების, კერძოდ, ადამიანის უფლებათა ევროპული კონვენციის მხარედ.
ამის შემდეგ, რუსეთის საგარეო საქმეთა სამინისტრომ განაცხადა, რომ ქვეყანა საბჭოს მუშაობაში მონაწილეობას არ მიიღებდა.
