რუსეთის საგარეო საქმეთა სამინისტრო: რუსეთი მოსკოვში უკრაინის საელჩოს შენობას ხელუხლებლად დატოვებს.
რუსეთი დიპლომატიური ურთიერთობების შესახებ მოქმედი ვენის კონვენციის გამო მოსკოვში უკრაინის საელჩოს შენობას ხელუხლებლად დატოვებს. ამის შესახებ რუსეთის საგარეო საქმეთა სამინისტროს დსთ-ს ქვეყნების მეორე დეპარტამენტის ხელმძღვანელმა ალექსეი პოშჩუკმა განაცხადა.
„მოსკოვის მიერ მიწის იჯარის ხელშეკრულების შეწყვეტა გავლენას არ ახდენს თავად საელჩოს შენობის ხელშეუხებლობაზე, რომელიც უკრაინის სახელმწიფო საკუთრებაა“, - განუცხადა ალექსეი პოლშუკმა „ტასს“. მან აღნიშნა, რომ ვენის კონვენციის თანახმად, მხარეებმა პატივი უნდა სცენ და დაიცვან მისიის შენობა, მისი ქონება და არქივები, სამხედრო კონფლიქტის შემთხვევაშიც კი. ეს ასევე ეხება უკრაინაში რუსეთის საელჩოს შენობას.
რუსეთის საგარეო საქმეთა სამინისტროს პრესსპიკერის, მარია ზახაროვას თქმით, უკრაინის საელჩოსთვის მიწის იჯარის ხელშეკრულება თებერვლის დასაწყისში შეწყდა. მან განმარტა, რომ კიევმა ადრე იგივე გააკეთა რუსეთის მიერ იჯარით აღებული მიწის ნაკვეთის მიმართ.
