4 აგვისტოს ბეირუთში მომხდარმა აფეთქებამ რუსეთის დიპლომატიური მისიის შენობა დააზიანა. RBC-ის ცნობით, საელჩოს თანამშრომელი დაშავდა.
აფეთქების შედეგად დაშავებულებს შორის იყვნენ პრემიერ-მინისტრ ჰასან დიაბის ცოლი და ქალიშვილი. ლიბანის მემარჯვენე ნაციონალისტური „კატაიბის“ პარტიის ლიდერი ნიზარ ნაჯარიანი დაიღუპა.
თავდაპირველად, აფეთქება საწყობში პიროტექნიკის აფეთქებას მიეწერებოდა. თუმცა, ლიბანის გენერალური უსაფრთხოების გენერალური დირექტორატის ხელმძღვანელმა, აბას იბრაჰიმმა, მოგვიანებით განაცხადა, რომ აფეთქება შესაძლოა რამდენიმე წლის წინ ჩამორთმეული ასაფეთქებელი მასალებით გამოწვეულიყო. LBCI-ის ტელევიზიის წყაროები იუწყებიან, რომ საქმე ეხება ნატრიუმის ნიტრატს (აზოტმჟავას მარილი), რომელიც ერთ წელზე მეტი ხნის წინ ჩამოერთვა გემიდან და პორტის საწყობში ინახებოდა.
ბეირუთი, სადაც ბოლო მონაცემებით 70 ადამიანი დაიღუპა და ათასობით დაშავდა, სტიქიური უბედურების ზონად გამოცხადდა. ხელისუფლება საგანგებო მდგომარეობის გამოცხადებას განიხილავს. 5 აგვისტო დაღუპულთა პატივსაცემად ეროვნული გლოვის დღედ გამოცხადდა. რუსეთის პრეზიდენტმა ვლადიმერ პუტინმა მათი ოჯახების მიმართ სამძიმარი გამოუცხადა.
