რუსეთი საერთაშორისო კოსმოსურ სადგურში (ISS) მონაწილეობას 2028 წლამდე გააგრძელებს. ეს გადაწყვეტილება მნიშვნელოვანია, რადგან რუსეთი ISS-ისთვის აღჭურვილობისა და დამხმარე სისტემების მთავარი მიმწოდებელია და NASA-ს განცხადებით, მისი გაყვანა სადგურის მომავალს საფრთხეს შეუქმნის.
NASA-ს შტაბ-ბინაში საერთაშორისო კოსმოსური სადგურის ოფისის დირექტორმა, რობინ გეიტენსმა განაცხადა, რომ საერთაშორისო კოსმოსურ სადგურზე დარჩენის გახანგრძლივება მეცნიერებს საშუალებას მისცემს, გააგრძელონ ახალი აღმოჩენების გაკეთება და ისარგებლონ ორ ათწლეულზე მეტი ხნის განმავლობაში ჩატარებული ექსპერიმენტებითა და ტექნოლოგიური დემონსტრაციებით.
საერთაშორისო კოსმოსური სადგური 15 ქვეყნის პარტნიორობაა, რომლებსაც მეცნიერებისა და კვლევის განვითარების საერთო მიზანი აერთიანებთ. რუსეთის მონაწილეობის 2028 წლამდე გაგრძელების გადაწყვეტილება სადგურის უსაფრთხო ფუნქციონირებას უზრუნველყოფს ყველა პარტნიორის მიერ მის საბოლოო დაცარიელებამდე 2030 წელს, ორბიტიდან გასვლამდე.
