ETS-ის მიერ ორგანიზებული TOEFL-ის საერთაშორისო ინგლისური ენის გამოცდა რუსეთის მოქალაქეებისთვის აღარ არის ხელმისაწვდომი.
ამის შესახებ ინფორმაციას გამოცემა „ევროპული პრავდა“ გამოცემა „მედიაზონაზე“ დაყრდნობით ავრცელებს.
ვებსაიტზე გამოცდაზე რეგისტრაციისას, რუსეთის მოქალაქეები იღებენ შეტყობინებას, რომ მათი მომხმარებლის მონაცემები არ აკმაყოფილებს აშშ-ის ფინანსთა სამინისტროს უცხოური აქტივების კონტროლის ოფისის (OFAC) მოთხოვნებს.
Mediazona-ს კორესპონდენტის მოთხოვნის საპასუხოდ, ETS-მა დაადასტურა, რომ რუსეთისა და ჩრდილოეთ კორეის მოქალაქეებსა და მაცხოვრებლებს ეკრძალებათ ანგარიშების შექმნა ან TOEFL-ის გამოცდაზე რეგისტრაცია.
აღსანიშნავია, რომ მარტის დასაწყისში, უკრაინაში რუსეთის სამხედრო აგრესიის ფონზე, რუსეთსა და ბელარუსში ETS და IELTS გამოცდები შეჩერდა.
ინგლისური ენის ცოდნის შეფასების ეს საერთაშორისო სისტემები მსოფლიოში ყველაზე მოთხოვნადი ენობრივი გამოცდებია, რაც საერთაშორისო სტუდენტებს საშუალებას აძლევს, ევროპისა და ჩრდილოეთ ამერიკის საგანმანათლებლო დაწესებულებებში ჩააბარონ.
