ბრიუსელში გამართულ ევროპული საბჭოს რიგგარეშე სხდომაზე რუმინეთის პრეზიდენტმა კლაუს იოჰანისმა მოუწოდა ევროკავშირის ქვეყნებს, მხარი დაუჭირონ მოლდოვას, უკრაინისა და საქართველოს ევროკავშირში გაწევრიანებას, იტყობინება Newsmaker.md.
იოჰანისმა დღეს ბრიუსელში, ევროპის საბჭოს რიგგარეშე სხდომაზე სიტყვით გამოვიდა, სადაც მან მხარი დაუჭირა მოლდოვას, უკრაინისა და საქართველოს ევროკავშირში გაწევრიანების განაცხადებს.
რუმინეთის პრეზიდენტმა შეშფოთება გამოთქვა უკრაინაში არსებული ჰუმანიტარული სიტუაციის გამო და ასევე განაცხადა, რომ შავი ზღვის რეგიონში არსებული ვითარება აიძულებს ევროკავშირს, ყურადღება გაამახვილოს იმ ქვეყნებისთვის ადეკვატური დახმარების გაწევაზე, რომლებიც რუსეთის მიერ უკრაინაში შეჭრის შედეგებით დაზარალდნენ, იტყობინება პრეზიდენტის ადმინისტრაცია.
რუსეთთან სრულმასშტაბიანი ომის დასაწყისში უკრაინამ ევროკავშირში გაწევრიანების განაცხადი შეიტანა.
30 მაისს, ევროპული საბჭოს სხდომაზე, ევროკავშირის ლიდერები შეთანხმდნენ, რომ ივნისში, მათ შემდეგ შეხვედრაზე განიხილავენ უკრაინის ევროკავშირში წევრობის განაცხადის საკითხს.
პრეზიდენტმა ზელენსკიმ დღეს განაცხადა, რომ ევროკავშირის წევრი ქვეყნების უმრავლესობა დადებითად აფასებს უკრაინის სწრაფ მიღებას ევროკავშირის კანდიდატის სტატუსით.
