რომის პაპის თქმით, ის, რაც ახლა უკრაინაში ხდება, ბარბაროსობაა.
რომის პაპმა ფრანცისკემ მოუწოდა უკრაინაში ომის დასრულებისკენ, რომელიც რუსეთის ფედერაციამ 24 თებერვალს დაიწყო. მან ეს ბარბაროსული უწოდა და განაცხადა, რომ ბავშვები, ქალები და ჯარისკაცები იღუპებიან.
ამის შესახებ Vatican News იტყობინება.
„ღვთის სახელით, გევედრებით: შეწყვიტეთ ეს ხოცვა-ჟლეტა! მძიმე გულით ვუერთდები ომის დასრულებისკენ მოწოდებული რიგითი ადამიანების ხმას“, - განაცხადა პაპმა.
მან ასევე გამოთქვა შეძრწუნება ბარბაროსობის, ბავშვების, უდანაშაულო და უიარაღო მშვიდობიანი მოსახლეობის მკვლელობის გამო და მოუწოდა მიუღებელი შეიარაღებული აგრესიის დასრულებისკენ, სანამ ის უკრაინის ქალაქებს სასაფლაოებად გადააქცევს.
„ღმერთი არსებობს, მაგრამ მხოლოდ მშვიდობის ღმერთი და არა ომის ღმერთი და ისინი, ვინც ძალადობას უჭერს მხარს, მის სახელს შეურაცხყოფენ“, - დასძინა რომის პაპმა.
შეგახსენებთ, რომ რომის პაპმა ადრე მოუწოდა რუსეთის შეტევის შეწყვეტისა და ჰუმანიტარული დერეფნების შექმნისკენ.
გარდა ამისა, ვატიკანი მზადაა, უკრაინაში ცეცხლის შეწყვეტის შუამავლობა გაუწიოს.
