სუმის ოლქში მდებარე ერთ-ერთი მაღაზიის სათვალთვალო კამერებმა რუსი ოკუპანტების მიერ მაღაზიის ძარცვის ვიდეო დააფიქსირა. ვიდეო Telegram-ზე უკრაინის უსაფრთხოების სამსახურმა გამოაქვეყნა.
ფირზე აღბეჭდილი მოვლენები მარტში მოხდა, როდესაც სუმის ოლქის ნაწილი რუსეთის არმიის დროებით ოკუპაციის ქვეშ იყო.
რუსებმა მაღაზიის კარი შეამტვრიეს და შემდეგ საქონლის — აკუმულატორებიდან დაწყებული სუნამოებით დამთავრებული — ქურდობა დაიწყეს. მათ ასევე სალარო აპარატის შეჭრა სცადეს.
„მიუხედავად იმისა, რომ რუსეთის ხელმძღვანელობა სისულელეებს იგონებს „მსოფლიოში მეორე არმიის“ და „ანალოგების არარსებობის“ შესახებ, ყველას ესმის, რომ სინამდვილეში რუს ჯარისკაცებს მხოლოდ ერთი სახე აქვთ - მკვლელებისა და მძარცველების“, - წერს SBU ვიდეოს კომენტარში.
