ცოტამ თუ იცის, რომ ჩვენი შინაური ცხოველების მიერ მირთმეული ხორცი უარყოფითად მოქმედებს კლიმატის ცვლილებაზე, რაც გლობალური ტემპერატურის მატებას იწვევს. თუმცა, როგორც ირკვევა, ეს გავლენა შეიძლება შემცირდეს.
მეცნიერთა ჯგუფმა ჩაატარა კვლევა, რომელმაც აჩვენა, რომ კატებისა და ძაღლებისთვის მშრალ საკვებს შეუძლია შეამციროს გარემოზე უარყოფითი ზემოქმედება.
ექსპერტებმა, მარკიო ბრუნეტოს ხელმძღვანელობით, შეაფასეს შინაური ცხოველების საკვების გარემოზე ზემოქმედება, მათ შორის სათბურის გაზების გამოყოფა, მიწათსარგებლობა და წყლის გამოყენება. ამისათვის მათ გააანალიზეს ბრაზილიაში ძაღლის 618 სხვადასხვა დიეტა და კატის 320 დიეტა.
საბოლოო ჯამში, მათ აღმოაჩინეს, რომ 10 კგ წონის ძაღლი, რომელიც დღეში საშუალოდ 534 კალორიას მოიხმარდა, წელიწადში 828,37 კილოგრამ CO2-ს გამოიმუშავებდა, თუ მას მშრალი საკვებით აჭმევდნენ. სველი საკვების შემთხვევაში კი - 6,541 კილოგრამ CO2-ს.
გარდა ამისა, კვლევის ფარგლებში, სპეციალისტებმა შეაფასეს „ხელნაკეთი“ დიეტები — ანუ ის შემთხვევები, როდესაც პატრონები თავად ამზადებდნენ შინაური ცხოველების საკვებს.
