სახელმწიფო სათათბიროში წარდგენილია კანონპროექტი, რომელიც უცხო ქვეყნის მოქალაქეების შვილებს სკოლაში ჩარიცხვამდე რუსული ენის ტესტის ჩაბარებას სთხოვს, იუწყება .
ინიციატივას მხარს უჭერდნენ სპიკერი ვიაჩესლავ ვოლოდინი, ირინა იაროვაია და სხვა დეპუტატები, მათ შორის ყველა ფრაქციის ხელმძღვანელები.
განათლების შესახებ მოქმედი კანონი უცხო ქვეყნის მოქალაქეების შვილებს რუსეთის მოქალაქეებთან ერთად უფასო ზოგადი განათლების მიღების თანაბარ უფლებებს აძლევს. ახალი დებულებით სკოლაში მიღება შეზღუდული იქნება ენის გამოცდის წარმატებით ჩაბარებით. ტესტირება უფასოდ ჩატარდება სახელმწიფო ან მუნიციპალურ დაწესებულებებში.
ცენტრალური აზიის ქვეყნებიდან ჩამოსული მიგრანტები, რომლებსაც Current Time არხი ესაუბრებოდა, ამბობენ, რომ ისინი ისედაც აწყდებიან სირთულეებს შვილების რეგისტრაციასთან დაკავშირებით. ისინი ასახელებენ გადატვირთულ სკოლებს, მკაცრ რეგისტრაციის მოთხოვნებს და ბავშვების ერთი ან ორი კლასით დაბლა დაწევის არსებულ პრაქტიკას ენობრივი ცოდნის არასაკმარისი ცოდნის გამო.
მიუხედავად იმისა, რომ ენის ტესტები ოფიციალურად კანონით არ არის დადგენილი, ზოგიერთ რეგიონში ისინი უკვე ხორციელდება. ვოლგოგრადის ოლქში მიგრანტების ბავშვებისთვის შეიქმნა ადაპტაციის კლასი, სადაც რუსული ენა უცხო ენად ისწავლება. მსგავსი პროგრამები სხვა დიდ ქალაქებშიც მოქმედებს.
