უნგრეთის პრემიერ-მინისტრმა ვიქტორ ორბანმა ქვეყანაში საგანგებო მდგომარეობა გამოაცხადა. უკრაინაში უნგრეთის საელჩომ განმარტა, რომ ეს გაკეთდა მთავრობის მიერ უკრაინელი ლტოლვილებისთვის დახმარების გაწევის შესაძლებლობების გასაადვილებლად.
საგანგებო მდგომარეობა უნგრეთის კონსტიტუციაში შეტანილი ცვლილებების შესაბამისად გამოცხადდა. საელჩომ შესაბამისი განმარტება საკუთარ Facebook გვერდზე გამოაქვეყნა.
„კონსტიტუციაში შეტანილი ცვლილებების შესაბამისად გამოცხადებული საგანგებო მდგომარეობა მთავრობას საშუალებას აძლევს, მეზობელ ქვეყანაში სამხედრო სიტუაციის, შეიარაღებული კონფლიქტის ან ჰუმანიტარული კატასტროფის შემთხვევაში, მის განკარგულებაში ჰქონდეს ყველა საჭირო ინსტრუმენტი ლტოლვილებისთვის დახმარების, მხარდაჭერისა და საცხოვრებლის უზრუნველყოფის, ასევე მავნე ეკონომიკური ზემოქმედების თავიდან ასაცილებლად შედეგების შესამსუბუქებლად“, - ნათქვამია განცხადებაში.
აღსანიშნავია, რომ ვიქტორ ორბანმა ამ გადაწყვეტილების მიზეზად თავად უკრაინაში ომის შედეგებზე „მანევრირების სივრცე და დაუყოვნებელი რეაგირების შესაძლებლობა“ დაასახელა. უნგრეთის მთავრობა საგანგებო მდგომარეობის ფარგლებში პირველი ზომების გამოცხადებას 25 მაისს გეგმავს.
ადრე გავრცელდა ინფორმაცია, რომ უნგრეთი რუსეთის წინააღმდეგ ნავთობის ემბარგოს შესანარჩუნებლად მასშტაბურ ინვესტიციებს ითხოვს. უნგრეთის მთავრობა თითქმის ღიად აშანტაჟებს ევროკავშირს.
