რუსეთის პრეზიდენტმა ვლადიმერ პუტინმა ჩრდილოეთ კორეის ლიდერის, კიმ ჩენ ინის, ქვეყანაში ვიზიტის მოწვევა მიიღო, - ამის შესახებ Bloomberg-ი ჩრდილოეთ კორეის მედიაზე დაყრდნობით იტყობინება.
„კიმ ჩენ ინმა თავაზიანად მიიწვია პუტინი, მისთვის მოსახერხებელ დროს ეწვია ჩრდილოეთ კორეის სახალხო რესპუბლიკას. პუტინმა სიამოვნებით მიიღო მოწვევა და კიდევ ერთხელ დაადასტურა თავისი ერთგულება რუსეთსა და ჩრდილოეთ კორეას შორის მეგობრობის ისტორიისა და ტრადიციების გაგრძელების მიმართ“, - ციტირებს გამოცემა ჩრდილოეთ კორეის წყაროებს. მათ ორი ლიდერის შეხვედრას „მნიშვნელოვანი მოვლენა“ უწოდეს.
„ბლუმბერგმა“ აღნიშნა, რომ პუტინის დაგეგმილი ვიზიტი ჩრდილოეთ კორეაში პირველი იქნება მის პოლიტიკურ ბიოგრაფიაში.
ერთი დღით ადრე პუტინი და კიმი რუსეთში შეხვდნენ. ამერიკული პრესის ცნობით, მათი მოლაპარაკებები იმ იარაღის მიწოდებას შეეხო, რომლის გამოყენებაც მოსკოვს უკრაინაში შეეძლო. ამ ინფორმაციის ოფიციალური დადასტურება არ არსებობს: ჩრდილოეთ კორეის კორეის ცენტრალური საინფორმაციო სააგენტო (KCNA) აცხადებს, რომ მხარეებმა განიხილეს „რეგიონული მშვიდობისა და უსაფრთხოების, ასევე საერთაშორისო თანამშრომლობის“ საკითხები.
