რუსეთის პრეზიდენტი ვლადიმერ პუტინი დონბასს ეწვევა, - ამის შესახებ მისმა პრესმდივანმა დიმიტრი პესკოვმა შაბათს, 3 დეკემბერს განაცხადა, იტყობინება CNN.
რუსული საინფორმაციო სააგენტო TASS-ის ცნობით, პესკოვის თქმით, პუტინი აუცილებლად ეწვევა აღმოსავლეთ უკრაინის ტერიტორიებს „გარკვეულ დროს“, რადგან „ეს რუსეთის ტერიტორიის ნაწილია“.
სექტემბერში პუტინმა ხელი მოაწერა ბრძანებულებებს, რომლითაც უკრაინის ხერსონისა და ზაპოროჟიეს რეგიონები „დამოუკიდებელ ტერიტორიებად“ აღიარებდა. ამ ბრძანებულებებში მან მოიხსენია „ხალხის ნების გამოხატვა“, ასევე „საერთაშორისო სამართლის პრინციპები და ნორმები“.
თებერვალში რუსეთის ლიდერმა აღიარა ე.წ. „დონეცკის სახალხო რესპუბლიკის“ და „ლუგანსკის სახალხო რესპუბლიკის“ „დამოუკიდებლობა“.
23-დან 27 სექტემბრამდე მოსკოვში დონეცკის, ლუგანსკის, ხერსონისა და ზაპოროჟიეს ოკუპირებული რეგიონების რუსეთთან ანექსიის შესახებ ე.წ. „რეფერენდუმები“ ჩატარდა.
ეს ფსევდორეფერენდუმები ფართოდ იქნა დაგმობილი საერთაშორისო საზოგადოების მიერ. ევროპის ქვეყნებმა და შეერთებულმა შტატებმა მათ „ფიქცია“ უწოდეს და განაცხადეს, რომ არ აღიარებდნენ მათ.
უკრაინის პრეზიდენტმა ვოლოდიმირ ზელენსკიმ 29 ნოემბერს გაეროს უშიშროების საბჭოსადმი მიმართვაში განაცხადა, რომ თუ რუსეთი ფსევდორეფერენდუმების საფუძველზე მათ ანექსიას შეეცდება, ეს მოსკოვთან მოლაპარაკებების დასასრულს ნიშნავს.
