ნატო გადახედავს თავის პოზიციას უკრაინაში ომში ჩაურევლობის შესახებ, თუ რუსეთი ქიმიურ იარაღს გამოიყენებს.
პოლონეთის ლიდერი მიიჩნევს, რომ რუსეთის ხელმძღვანელობას შეუძლია ამ ნაბიჯის გადადგმა. ამის შესახებ BBC-ის ციტირებით პოლონეთის პრეზიდენტმა ანდჟეი დუდამ განაცხადა.
„თუ მეკითხებით, შეიძლება თუ არა პუტინმა ქიმიური იარაღი გამოიყენოს, მაშინ ვფიქრობ, რომ პუტინს ამ ეტაპზე ყველაფრის გამოყენება შეუძლია, განსაკუთრებით მაშინ, როდესაც რთულ სიტუაციაშია. მან ეს ომი პოლიტიკურად უკვე წააგო და ცხადია, სამხედრო თვალსაზრისითაც ვერ იმარჯვებს“, - თქვა დუდამ.
პოლონეთის პრეზიდენტმა აღნიშნა, რომ მასობრივი განადგურების იარაღის გამოყენება თამაშის ყველა წესს შეცვლიდა. საფრთხე არა მხოლოდ ევროპას, არამედ მთელ მსოფლიოს დაატყდებოდა თავს და ნატოს მოუწევდა ზომების მიღება.
ნატოს გენერალურმა მდივანმა იენს სტოლტენბერგმა ადრე გააფრთხილა რუსეთის მხრიდან ქიმიური თავდასხმის შესაძლებლობის შესახებ. მან განაცხადა, რომ რუსეთის განცხადებები, რომ უკრაინაში ქიმიური და ბიოლოგიური იარაღის ლაბორატორიები მოქმედებენ, შესაძლოა თავად რუსეთის მხრიდან ასეთი ნაბიჯისთვის მზადება იყოს.
