პრიმადონას გულშემატკივრებს უნიკალური შანსი ექნებათ, ვარსკვლავის ცხოვრებას შეეხონ.
ალა პუგაჩოვას გულშემატკივრებს მისი ცხოვრებისეული გამოცდილების გაზიარების საშუალება ექნებათ. პრიმადონამ რუსეთში, სოფელ გრიაზში, თავისი ციხესიმაგრის ტურები გახსნა.
ბილეთის ფოტო Telegram-ის არხმა „ცნობილი ადამიანების დღიურები“ გამოაქვეყნა. აღნიშნულია, რომ ტურის დროს ყველას შეეძლება პუგაჩოვას ბუდუარების, მისი მეუღლის, მაქსიმ გალკინის ოთახების, გასახდელებისა და კარადების ნახვა.
თუმცა, ბილეთის მაღალი ფასის მიუხედავად, ნებისმიერი გადაღება აკრძალულია. პუგაჩოვას ტუალეტის დათვალიერება 10,200 რუბლი ღირს.
აღსანიშნავია, რომ პრიმადონას არ აქვს განზრახული, რომ თანხა თავისთვის შეინახოს. ბილეთზე მითითებულია, რომ შემოსავალი უკრაინის პირველი ლედის, ოლენა ზელენსკას საქველმოქმედო ფონდში გადაირიცხება.
პუგაჩოვამ რუსეთი დატოვა - რა არის ცნობილი?
29 სექტემბერს ცნობილმა რუსმა მომღერალმა ალა პუგაჩოვამ რუსეთი დატოვა და ისრაელში გადავიდა საცხოვრებლად, სადაც მან უკვე მიიღო პასპორტი.
ამის შემდეგ მედიაში გავრცელდა ინფორმაცია, რომ პრიმადონა გრიაზის სოფელში მდებარე თავისი „ციხესიმაგრე“ გაყიდვას აპირებდა. როგორც ამბობენ, სასახლე 1 მილიარდ რუბლად გაიყიდა.
გარდა ამისა, რუსეთის ხელისუფლებამ მაქსიმ გალკინი „უცხოელი აგენტების“ სიაში დაამატა, რის გამოც პუგაჩოვამ ამ სიაში მისი დამატებაც მოითხოვა.
