ბიზნესმენმა განაცხადა, რომ ალექსეი ნავალნისა და ვლადიმერ მილოვის მიერ გავრცელებული ინფორმაცია მის პატივს, ღირსებასა და საქმიან რეპუტაციას ლახავს.
ბიზნესმენმა ევგენი პრიგოჟინმა სარჩელი შეიტანა, რომლითაც ოპოზიციონერი ლიდერების, ვლადიმერ მილოვისა და ალექსეი ნავალნის მიერ მის შესახებ გავრცელებული ინფორმაციის უარყოფას და თითოეულისგან 5 მილიონი რუბლის ოდენობის კომპენსაციას მოითხოვს.
სარჩელი ლიუბლინსკის რაიონულ სასამართლოში შეიტანეს. „მოსარჩელე სასამართლოსგან მოითხოვს, რომ მოპასუხეების მიერ ინტერნეტ რესურს YouTube.com-ზე გავრცელებული ინფორმაცია ცრუ და მათი პატივის, ღირსებისა და საქმიანი რეპუტაციის შელახულად ცნოს. ისინი მოითხოვენ აღნიშნული ინფორმაციის ამოღებას YouTube.com-ზე განთავსებული ვიდეოებიდან, არასწორი ინფორმაციის უარყოფას და თითოეულ მოპასუხეს მორალური ზიანის ოდენობით 5 მილიონი რუბლის ოდენობის კომპენსაციის გადახდას“, - აღნიშნა სასამართლომ.
მათ არ დაუკონკრეტებიათ, თუ რა ინფორმაციის უარყოფას ითხოვს პრიგოჟინი ნავალნისა და მილოვისგან.
ადრე გავრცელდა ინფორმაცია, რომ მოსკოვის ლიუბლინსკის სასამართლომ ორშაბათს ალექსეი ნავალნის 140 000 რუბლის გადახდა დააკისრა, მას შემდეგ, რაც ბლოგერმა ალექსეი ჟირუხინმა მისი ფოტოების უკანონო გამოყენების შესახებ სარჩელი შეიტანა.
