პოლონეთში რუსეთის ელჩს, სერგეი ანდრეევს, წითელი საღებავი წაუსვეს. დიპლომატს თავს დაესხნენ ვარშავაში, საბჭოთა ჯარისკაცების სასაფლაოზე, სადაც ის გამარჯვების დღის აღსანიშნავად გვირგვინის დასადებად იყო მისული.
მემორიალთან უკრაინისადმი სოლიდარობის აქციის ერთ-ერთმა მონაწილემ იყვირა „ფაშისტები!“, რუსეთის ელჩისკენ შეიჭრა და სისხლისფერი საღებავის ქილა საკუთარ თავზე, მასზე და გარშემომყოფებზე დაასხა.
რუსეთის საგარეო საქმეთა სამინისტრომ უკვე გამოხატა მკაცრი პროტესტი პოლონეთის ხელისუფლების მიმართ და მოითხოვა, რომ დღის განმავლობაში კიდევ ერთი ცერემონია ჩატარდეს - თუმცა უსაფრთხოდ. საგამოძიებო კომიტეტის ხელმძღვანელმა, ალექსანდრ ბასტრიკინმა, გამოძიების დაწყება და პასუხისმგებელი პირების დასჯა ბრძანა.
პოლონეთის საგარეო საქმეთა სამინისტრომ, თავის მხრივ, ინციდენტი სამწუხარო უწოდა და აღნიშნა, რომ სიტუაციას აკვირდება. შინაგან საქმეთა სამინისტრომ რუსეთის ელჩზე თავდასხმა „უკრაინელი ქალების ემოციებს“ მიაწერა.
