პოლონეთის პრემიერ-მინისტრმა მატეუშ მორავიეცკიმ „კრიზისული სიტუაციის“ გამო სამთავრობო კომიტეტის საგანგებო სხდომა მოიწვია. ეს პოლონეთის ტერიტორიაზე ორი რაკეტის ჩამოვარდნის შესახებ გავრცელებული ინფორმაციის ფონზე მოხდა, იტყობინება meduza.io.
ZET რადიო იტყობინება, რომ პოლონეთის ლიუბლიანას ოლქის სოფელ პრჟევოდოვში ორი რაკეტა ჩამოვარდა. რადიოსადგურის ცნობით, რაკეტები მარცვლეულის საშრობებს მოხვდა. ინციდენტის შედეგად ორი ადამიანი დაიღუპა. ადგილზე პოლიცია, პროკურატურა და არმია მუშაობენ.
რეგიონულმა და პოლონეთის ხელისუფლებამ რაკეტის ჩამოვარდნის შესახებ ოფიციალურად არ განაცხადა.
„მოგიწოდებთ, ამ ეტაპზე არ გამოაქვეყნოთ დაუდასტურებელი ინფორმაცია; ჩვენ კომენტარს ახლა მიმდინარე შეხვედრის შემდეგ გავაკეთებთ“, - განაცხადა პოლონეთის მთავრობის წარმომადგენელმა პიოტრ მიულერმა.
უფრო ადრე, 15 ნოემბერს, უკრაინას მასშტაბური სარაკეტო დარტყმა მიაყენეს. პოლონეთს ესაზღვრება ლვოვის ოლქი, რომელიც დაბომბვის მსხვერპლთა შორის იყო.
