პოლონეთი უკრაინის მთავარი პარტნიორია რუსეთთან კონფლიქტში და შესაბამისად, კრემლის სამიზნეა. ახლა კი, პოლონეთის საიდუმლო სამსახურმა რუსი აგენტების სავარაუდო ჯგუფი დააკავა.
პოლონეთმა რუსი ჯაშუშების ჯგუფი გამოავლინა
პოლონეთის საიდუმლო სამსახურმა გამოავლინა რუსი ჯაშუშების სავარაუდო ჯგუფი. „მთელი ჯაშუშური ქსელი განადგურებულია“, - განაცხადა თავდაცვის მინისტრმა მარიუშ ბლაშჩაკმა პოლონეთის რადიოს ეთერში.
მისი თქმით, პოლონეთს რეალური საფრთხე ემუქრება. „ეს აშკარად ჯაშუშური ქსელი იყო, რომელიც ინფორმაციას აგროვებდა მათთვის, ვინც უკრაინას თავს დაესხა და იქ ომის დანაშაულები ჩაიდინა“, - განაგრძო ბლაშჩაკმა.
რადიოსადგურ Rmf.fm-ის არაოფიციალური ინფორმაციით, ჯაშუშური ქსელი, ძირითადად, რკინიგზის ხაზებს ესხმოდა თავს. ამ ინფორმაციის თანახმად, პოლონეთის საიდუმლო სამსახურებმა მნიშვნელოვან მარშრუტებსა და რკინიგზის კვანძებზე ფარული კამერები აღმოაჩინეს, რომლებიც მოძრაობას იწერდნენ და სურათებს ონლაინ რეჟიმში გადასცემდნენ.
პოლონეთმა, ევროკავშირისა და ნატოს წევრმა, უკრაინიდან დაახლოებით 1.5 მილიონი ლტოლვილი მიიღო. ის ასევე უკრაინისთვის დასავლეთის სამხედრო დახმარების მთავარი ცენტრია.
