პოლონეთის შინაგან საქმეთა მინისტრმა მარიუშ კამინსკიმ განაცხადა, რომ პოლონეთი ბელარუსის საზღვარზე 500 პოლიციელს გაგზავნის.
BBC-ის ცნობით, პოლიციელები შეუერთდებიან 5000 მესაზღვრეს და 2000 ჯარისკაცს, რომლებიც უკვე იცავენ საზღვარს. გადაწყვეტილება მიღებულ იქნა „ბელარუსთან საზღვარზე დაძაბული ვითარების გამო“, აღნიშნა მინისტრმა.
პოლონეთის სასაზღვრო პოლიციის ცნობით, შაბათს 187 ადამიანმა სცადა ბელორუსიიდან პოლონეთში არალეგალურად გადასვლა.
