ავღანეთის დედაქალაქ ქაბულში, აგრესორი სახელმწიფოს, რუსეთის საელჩოს შესასვლელთან მომხდარ ტერორისტულ თავდასხმაზე პასუხისმგებლობა „ისლამურმა სახელმწიფომ“ აიღო. თავდასხმა ორშაბათს, 6 სექტემბერს მოხდა.
„იერუსალიმ პოსტი“ იტყობინება, რომ დაიღუპა ექვსი ადამიანი, მათ შორის დიპლომატიური მისიის ორი თანამშრომელი.
„რუსეთის საგარეო საქმეთა სამინისტროსა და ავღანეთის ოფიციალური პირების განცხადებით, ქაბულში რუსეთის საელჩოს ორი თანამშრომელი იმ ექვს ადამიანს შორის იყო, რომლებიც თვითმკვლელმა ტერორისტმა საელჩოს შესასვლელთან ასაფეთქებელი მოწყობილობა აამოქმედა, რის შედეგადაც სულ მცირე 10 ადამიანი დაშავდა“, - ნათქვამია რუსეთის საგარეო საქმეთა სამინისტროსა და ავღანეთის ოფიციალური პირების განცხადებაში.
შეგახსენებთ, რომ 5 სექტემბერს დილით, ქაბულში, რუსეთის საელჩოსთან ახლოს, აფეთქება მოხდა. წინასწარი ინფორმაციით, აფეთქებაში თვითმკვლელი ტერორისტი მონაწილეობდა. სავარაუდოდ, ის დაცვის თანამშრომლებმა ამოიცნეს და მოკლეს, სანამ რაიმე ქმედებას განახორციელებდა.
თუმცა, ჟურნალისტმა ბილალ სარვარიმ მოგვიანებით გამოაქვეყნა ინფორმაცია, რომ აფეთქება მოხდა, რამაც მრავალი ადამიანის სიცოცხლე შეიწირა.
ადრე გავრცელდა ინფორმაცია, რომ ავღანეთში ძალაუფლების ხელში ჩაგდების შემდეგ, თალიბანს რუსეთისგან დაახლოებით 1 მილიონი ბარელი ნავთობის ბარტერის გზით შესყიდვა სურდა. სანაცვლოდ, თალიბანი მზადაა შესთავაზოს „რაიმე ავღანური პროდუქტი“, რომელიც შესაძლოა რუსეთისთვის საინტერესო იყოს.
