ახალგაზრდა გარემოსდამცველებმა მსოფლიოს რამდენიმე ქალაქში ახალი საპროტესტო აქციები „მომავლის პარასკევები“ გამართეს. ყველაზე მასშტაბური დემონსტრაციები ევროპის დედაქალაქებში იმართება. ათასობით სკოლის მოსწავლე და სტუდენტი მოუწოდებს პოლიტიკოსებს, კლიმატის ცვლილებასთან ბრძოლაში სიტყვებიდან მოქმედებაზე გადავიდნენ.
„ახლა ჩვენ ცივილიზაციის კოლაფსის შესაძლებლობის წინაშე ვდგავართ, თუ არაფერს გავაკეთებთ და რადიკალურად არ შევცვლით საკუთარ თავს.“.
რომში დემონსტრაცია კვირას დაგეგმილი საპარლამენტო არჩევნების წინა დღეს იმართება: მონაწილეები აცხადებენ, რომ ისინი ყურადღებით აკვირდებიან, თუ როგორ ასახავენ პოლიტიკოსები გარემოსდაცვით დღის წესრიგს თავიანთ პარტიულ პლატფორმებსა და ქმედებებში.
„ჩვენ განცხადებებისა და განზრახვების გარდა გაცილებით მეტი გვჭირდება. ჩვენ გვჭირდება გეგმა, რომელიც უზრუნველყოფს ენერგეტიკულ გარდამავალ პროცესს, ისეთი, რომლის შეცვლასაც ვერც ერთი მთავრობა ვერ შეძლებს მომავალში. ჩვენ გვჭირდება გარანტიები, რადგან ეს სასიცოცხლოდ მნიშვნელოვანია.“.
გარემოსდამცველები აცხადებენ, რომ მსოფლიო მთავრობები ძალიან ცოტას აკეთებენ 2015 წლის პარიზის შეთანხმებით გათვალისწინებული კლიმატის მიზნების მისაღწევად, რომ აღარაფერი ვთქვათ უფრო მკაცრ ალტერნატიულ პროგრამებზე.
დაუყოვნებელი მოქმედების საჭიროების მაგალითად ისინი გასულ ზაფხულს ასახელებენ, რომელიც ევროპის დიდ ნაწილში რეკორდულად ცხელი და მშრალი იყო.
„პარასკევები მომავლისთვის“-ს დამფუძნებელი გრეტა ტუნბერგი ამჯერად მსვლელობაში არ მონაწილეობდა.
