უკრაინაში სრულმასშტაბიანი შეჭრის დაწყებიდან რუსეთის ძალებმა 1370 რაკეტა ისროლეს. გარდა ამისა, 148 ბავშვი დაიღუპა დაბომბვისა და საჰაერო თავდასხმების დროს.
თავდაცვის სამინისტროს მონაცემებით, რუსული აგრესიის გამო 10 მილიონზე მეტი უკრაინელი იძულებული გახდა დაეტოვებინა საკუთარი სახლები. ომის დაწყებიდან ოკუპანტებმა ასევე გაანადგურეს 15 უკრაინული აეროპორტი.
„ყოველდღე დამპყრობლები სისასტიკეს სჩადიან. ჩვენ პუტინის დამნაშავეებს არ ვაპატიებთ!“ - ნათქვამია სააგენტოს განცხადებაში.
შეგახსენებთ, რომ გაერომ შექმნა კომისია, რომელიც გამოიძიებს რუსეთის მიერ უკრაინაში ჩადენილ სამხედრო დანაშაულებს. კომისიის შემადგენლობაში შევა გაეროს ადამიანის უფლებათა საბჭოს პრეზიდენტის, ფედერიკო ვილეგასის მიერ დანიშნული სამი ექსპერტი.
მანამდე, გაეროში დიდი ბრიტანეთის მუდმივმა წარმომადგენელმა, ბარბარა ვუდვორდმა, განაცხადა, რომ რუსეთის ომმა უკრაინის წინააღმდეგ შესაძლოა მთელ მსოფლიოში შიმშილობა გამოიწვიოს.
