ნიჟნი ნოვგოროდის გამომცემლობის, „კოზა პრესი“-ს მთავარმა რედაქტორმა, ირინა სლავინამ გუშინ, რეგიონული პოლიციის დეპარტამენტის წინ თავი დაიწვა. მისი ქმედების სავარაუდო მოტივი სამართალდამცავი ორგანოების მხრიდან დევნა იყო: ბოლო ორი წლის განმავლობაში, იგი დაჯარიმდა სოციალურ მედიაში პოსტებში „ხელისუფლების უპატივცემულობისთვის“, კორონავირუსის შესახებ „ყალბი ამბების“ გავრცელებისა და პოლიტიკოს ბორის ნემცოვის ხსოვნისადმი მიძღვნილი ღონისძიების ორგანიზებისთვის. ამ თეორიას ასევე ადასტურებს ირინას მიერ ინციდენტამდე რამდენიმე საათით ადრე გამოქვეყნებული Facebook პოსტი.
ასევე, გარდაცვალებამდე ერთი დღით ადრე, სლავინას სახლში ჩხრეკა ჩაატარეს არასასურველ ორგანიზაციასთან თანამშრომლობის საქმესთან დაკავშირებით (ეჭვმიტანილი სხვა პირი იყო). თუმცა, საგამოძიებო კომიტეტი არ თვლის, რომ ამან შეიძლება ქალი ასეთ ქმედებამდე მიიყვანოს. ჟურნალისტთა კავშირმა მოითხოვა სისხლის სამართლის საქმის აღძვრა თვითმკვლელობამდე მიყვანის მუხლით.
ჟურნალისტის გარდაცვალების შემდეგ საღამოს, ნიჟნი ნოვგოროდის მაცხოვრებლებმა გარდაცვლილის ხსოვნისადმი სპონტანური მსვლელობა გამართეს.
