ნანგრევების გაწმენდას თითქმის ერთი კვირა დასჭირდა.
ჩერნიგოვის ოლქის სამხედრო ქალაქ დესნაზე სარაკეტო დარტყმის შედეგად 87 ადამიანი დაიღუპა, განაცხადა პრეზიდენტმა ვოლოდიმირ ზელენსკიმ 23 მაისს.
„დღეს ჩვენ დავასრულეთ დესნაზე სამუშაოები. სამწუხაროდ, სტატისტიკა ასეთია: დღეს დესნას ნანგრევების ქვეშ 87 მსხვერპლია დაკრძალული. 87 გვამი, მსხვერპლი, დაღუპული - ამ ადამიანების გარეშე უკრაინას მომავალი არ ექნება“, - განაცხადა ზელენსკიმ დავოსში, მსოფლიო ეკონომიკურ ფორუმზე ონლაინ მიმართვისას.
შეგახსენებთ, რომ რუსმა სამხედროებმა მდინარე დესნაზე სარაკეტო შეტევა 17 მაისს დილით განახორციელეს. მანამდე ვრცელდებოდა ინფორმაცია თერთმეტი დაღუპულის შესახებ.
დესნა სამხედრო ქალაქია, სადაც უკრაინის შეიარაღებული ძალების საწვრთნელი ცენტრი მდებარეობს.
