ყირიმის სანაპიროზე ნავთობის ახალი დაღვრა დაფიქსირდა. „რია ნოვოსტის“ ცნობით , დაბინძურება ექვს მუნიციპალიტეტში, მათ შორის ევპატორიაში, სუდაკში, ფეოდოსიაში, იალტაში, ასევე ტუზლას კუნძულსა და კონცხ ტაკილში, 12,61 კილომეტრიან მონაკვეთზე დაფიქსირდა.
დაბინძურების წინააღმდეგ საბრძოლველად 960 ადამიანი და 214 ერთეული ტექნიკაა მობილიზებული. მონიტორინგში ჩართულია 225 სახმელეთო ჯგუფი, 22 საზღვაო ხომალდი და ორი Mi-8 ვერტმფრენი. ეკოლოგიური კატასტროფის ზემოქმედების მინიმიზაციის მიზნით, სამუშაოები 24 საათის განმავლობაში მიმდინარეობს.
ინციდენტი ქერჩის სრუტეში დეკემბერში მომხდარი ავარიის შედეგია, სადაც ტანკერები „ვოლგონეფტ-212“ და „ვოლგონეფტ-239“ ჩაიძირნენ. შედეგად, ზღვაში დაახლოებით 2400 ტონა ნავთობპროდუქტი ჩაიღვარა. ყველაზე მეტად კრასნოდარის მხარისა და ყირიმის სანაპიროები დაზარალდა, სადაც საგანგებო მდგომარეობის სხვადასხვა დონეა გამოცხადებული.
სიტუაცია კვლავ უარესდება, რაც მოითხოვს სწრაფ ჩარევას და მკაცრ გარემოსდაცვით მონიტორინგს.
