პოლიციის ვარაუდით, ბანკირმა შესაძლოა ცოლი და ქალიშვილი მოკლა, შემდეგ კი თავი მოიკლა.
რუსეთის დედაქალაქ მოსკოვში, „გაზპრომბანკის“ 51 წლის ყოფილი ვიცე-პრეზიდენტი ვლადისლავ ავაევი, მისი 47 წლის მეუღლე ელენა და 13 წლის ქალიშვილი მარია ბინაში მოკლულები იპოვეს.
ავაევების ოჯახი უნივერსიტეტის გამზირზე, საკუთარ სახლში მოკლული იპოვეს, იტყობინება Baza Telegram არხი პოლიციის ინფორმაციაზე დაყრდნობით.
პოლიციის წინასწარი ინფორმაციით, ავაევმა ცოლ-შვილი დაჭრა და შემდეგ თავი მოიკლა. პოლიცია ამ დასკვნამდე იმიტომ მივიდა, რომ ბანკის ყოფილ ვიცე-პრეზიდენტს იარაღი ეჭირა.
„...ავაევების ოჯახის წევრების ცხედრები... ნათესავმა აღმოაჩინა, რომელიც დიდი ხნის განმავლობაში ცდილობდა ავაევებთან ტელეფონით დაკავშირებას, მაგრამ არავინ პასუხობდა...“, - აღნიშნულია განცხადებაში.
ბინა არეულ-დარეული იყო, ირგვლივ ნივთები მიმოფანტული იყო, იუწყება kp.ru წყაროზე დაყრდნობით.
შეგახსენებთ, რომ თებერვლის ბოლოს, სანქტ-პეტერბურგთან ახლოს, ლენინსკოეს ელიტარულ კოტეჯურში გარდაცვლილი იპოვეს „გაზპრომის“ გაერთიანებული დასახლების ცენტრის კორპორატიული უსაფრთხოების გენერალური დირექტორის მოადგილე, 61 წლის ალექსანდრე ტიულიაკოვი.
