გასტროენტეროლოგმა და ექიმმა სერგეი ვიალოვმა გააფრთხილა, რომ ძალიან ცხელი ჩაის ან ყავის დალევამ შეიძლება ყელის კიბო გამოიწვიოს.
ექიმის თქმით, ეს საფრთხე არსებობს, რადგან მდუღარე წყალთან კონტაქტი ანადგურებს პირის ღრუსა და ყელის ამომფენ უჯრედებს. თუ ეს ხშირად ხდება, უჯრედების რეგულარული სიკვდილისა და რეგენერაციის გამო კიბოს განვითარების რისკი იზრდება.
სპეციალისტმა ახსნა, თუ როგორ უნდა გავზომოთ სასმელის ტემპერატურა: ნეკა თითი ჩაყავით სითხეში — ამ თითის კანი ყველაზე მგრძნობიარეა. თუ ტემპერატურას ვერ უძლებთ, არ დალიოთ სითხე ამ ტემპერატურაზე; ის 30 გრადუს ცელსიუსზე მაღალი არ უნდა იყოს. ექიმმა ასევე გააფრთხილა, რომ ცხელი სასმელების რეგულარულმა მიღებამ შეიძლება დააზიანოს საყლაპავისა და კუჭის ლორწოვანი გარსები, რაც გასტრიტის განვითარებას იწვევს.
„უჯრედების ხშირმა ფიზიკურმა განადგურებამ შეიძლება ლორწოვანი გარსის კიბო გამოიწვიოს. უჯრედების სწრაფი კვდომა, სწრაფი რეგენერაცია და შემდეგ უჯრედების სწრაფი კვდომა და რეგენერაცია კვლავ იწვევს შეცდომების დაგროვებას ახალ უჯრედებში, რაც კიბოს იწვევს“, - ხაზგასმით აღნიშნა ექიმმა.
