ლიეტუვაში Bayraktar-ის დრონის შესაძენად და უკრაინის შეიარაღებული ძალებისთვის გადასაცემად კრაუდფანდინგის კამპანია დაიწყო. პოპულარულმა ლიტველმა ჟურნალისტმა Laisvės TV-დან ანდრიუს ტაპინასმა Bayraktar TB2 სამხედრო დრონის შესაძენად კრაუდფანდინგის კამპანია დაიწყო.
„ლიტვისა და თურქეთის თავდაცვის სამინისტროებმა მწვანე შუქი აუნთეს და მწარმოებელმაც დათანხმდა. ახლა კი ერთი სიტყვა მიტრიალებს თავში: ბაირაქტარი“, - წერს ჟურნალისტი და თავის მიმდევრებს შემოწირულობის გაღებისკენ მოუწოდებს.
ტაპინასის თქმით, Laisvës TV 62 000 ევროს გადარიცხავს, რაც უკრაინისთვის წინა მხარდაჭერის კამპანიებიდან დარჩა.
ლიეტუვას მოსახლეობა 3 მილიონზე ნაკლებია და ბაირაქტარის ღირებულება 5 მილიონი ევროა. კამპანიის მიზანია საჭირო თანხის სამ კვირაში შეგროვება. სულ რაღაც რვა საათში ლიეტუველებმა მილიონზე მეტი შეაგროვეს.
22:30 საათის მონაცემებით, ანგარიშზე უკვე იყო 1,147,253 ევრო.
„დაე, ჩვენი ბაირაქტარი უძლეველ უკრაინაზე მაღლა აიწიოს. ეს იყოს ის საათი, როდესაც ლიეტუვა და უკრაინა ერთად ამოიღებენ ხმლებს. რისხვის დრო! შურისძიების დრო! წითელი განთიადის დრო!“ - წერდა ტაპინასი.
