მოსკოვში გამარჯვების დღის აღნიშვნის პროგრამა შემცირდა და კრემლში მიღება გაუქმდა.
რუსეთის პრეზიდენტის პრესმდივანმა დიმიტრი პესკოვმა „რია ნოვოსტისთან“ ინტერვიუში განაცხადა, რომ კრემლის 9 მაისის საზეიმო ღონისძიებების გეგმაში ცვლილებები შევიდა. პესკოვის თქმით, კრემლში გამარჯვების დღისადმი მიძღვნილი ტრადიციული მიღება არ გაიმართება.
მანამდე პესკოვმა განაცხადა, რომ გამარჯვების დღის აღლუმი წითელ მოედანზე გაიმართება გუშინ ღამით დრონით განხორციელებული თავდასხმის მიუხედავად.
პარასკევს ცნობილი გახდა, რომ ვლადიმერ პუტინმა აღლუმზე ტაჯიკეთის პრეზიდენტი ემომალი რაჰმონი მიიწვია.
