მილანიდან ჩამოსული ახალგაზრდა მამაკაცი რუსეთში კორონავირუსის ე.წ. „ნულოვან პაციენტად“ იქცა. ამის შესახებ სთან ნ.ი. პიროგოვის სახელობის რუსეთის ეროვნული კვლევითი სამედიცინო უნივერსიტეტის ჰოსპიტალური თერაპიის განყოფილების ხელმძღვანელმა და რუსეთის მეცნიერებათა აკადემიის აკადემიკოსმა ალექსანდრე ჩუჩალინმა.
მან მაგალითად მოიყვანა დოქტორ ლი ვენლიანგი, რომელიც პირველი ადამიანია, ვინც ჩინეთში ახალი კორონავირუსი აღმოაჩინა. სამწუხაროდ, თავად დოქტორი ლი დაინფიცირდა და გარდაიცვალა. რუსეთში ნულოვანი პაციენტი 40 წლის მამაკაცი იყო, სახელად სუბბოტინი. ის მილანიდან ჩამოვიდა. ინფექცია 27 თებერვალს დაუდგინდა. „მე და დენის ნიკოლაევიჩ პროცენკომ, კომუნარკაში სპეციალიზებული საავადმყოფოს მთავარმა ექიმმა, დიაგნოზი დავუსვით და მკურნალობა დავუნიშნეთ. ჩვენ შევნიშნეთ გართულებები, რომლებიც ძალიან ადრეულ ეტაპზე ვითარდებოდა“, - თქვა ჩუჩალინმა. მან განმარტა, რომ სუბბოტინი პირველი ადამიანი იყო, ვინც რუსეთში კორონავირუსისგან გამოჯანმრთელდა.
აკადემიკოსმა დასძინა, რომ სუბბოტინის ოჯახის წევრები - მისი მამა და დედა - ასევე ავად იყვნენ. „მამა ხელოვნური სუნთქვის აპარატზე იყო შეერთებული, დედა კი არა. ისინი ხანდაზმულები არიან. ბუნებრივია, მათი დაავადება უფრო მძიმეა“, - განმარტა ჩუჩალინმა.
