ახალი კვლევის თანახმად, ჩვეულებრივი კონტაქტური ლინზები შესაძლოა ადამიანის ორგანიზმში მიკროპლასტიკური ნაწილაკების მოხვედრის წყარო იყოს. ეს საგანგაშო ამბავია, იმის გათვალისწინებით, რომ მათ მსოფლიოში ათობით მილიონი ადამიანი იყენებს.
ახალი კვლევის თანახმად, კონტაქტური ლინზები შესაძლოა თვალებს საშიში მიკროპლასტმასის ზემოქმედების ქვეშ აყენებდეს.
სტატისტიკის მიხედვით, მსოფლიოში 140 მილიონამდე ადამიანი იყენებს კონტაქტურ ლინზებს.
ამერიკის ქიმიური საზოგადოების მიერ გამოქვეყნებულმა კვლევამ აჩვენა, რომ დღეში 10 საათის განმავლობაში ლინზების ტარება წელიწადში 90 000-ზე მეტ მიკროპლასტიკურ ნაწილაკს გამოყოფს.
„ჩვენი კვლევა ადამიანებში მიკროპლასტმასთან პირდაპირი კონტაქტის შეუსწავლელ გზას ავლენს“, - დაასკვნეს ავტორებმა.
„საჭიროა კვლევა იმ პოტენციური ჯანმრთელობის რისკების შესაფასებლად, რომლებიც მიკროპლასტმასის თვალში ზემოქმედებას ახლავს თან“, - ნათქვამია ტექსტში.
რა არის მიკროპლასტმასი და როგორ მოქმედებს ის ადამიანის ჯანმრთელობაზე?
მიკროპლასტმასი არის 5 მმ-მდე ზომის პლასტმასის პატარა ნაწილაკები, რომლებიც ყველგან გვხვდება. 2022 წლის კვლევის თანახმად, ადამიანის ორგანიზმში ყოველ კვირას ხუთ გრამამდე მიკრო და ნანოპლასტმასი ხვდება. ერთი წლის განმავლობაში დაგროვილი რაოდენობა საკმარისია ერთი საკრედიტო ბარათის დასამზადებლად.
ექსპერტების თქმით, ამან შეიძლება ჯანმრთელობისთვის საშიში შედეგები გამოიწვიოს.
პაწაწინა ნაწილაკები ადამიანის სისხლში რჩება, ორგანოებში ილექება და ორსულობის დროს ნაყოფზეც კი შეიძლება გადაეცეს. ახალი კვლევა ვარაუდობს, რომ მიკროპლასტმასმა შესაძლოა კიბო გამოიწვიოს.
როგორ შეამოწმეს მეცნიერებმა კონტაქტური ლინზები მიკროპლასტმასზე?
მეცნიერებმა შეისწავლეს სხვადასხვა ბრენდისა და სხვადასხვა მომსახურების ვადის მქონე ექვსი ტიპის მრავალჯერადი გამოყენების კონტაქტური ლინზები.
ნორმალური ცვეთის სიმულირებისთვის, ლინზები ინახებოდა წყალში, შემდეგ მზის სხივების სიმულირების მქონე ნათურის ქვეშ და ყოველ 10 საათში სამჯერ ირეცხებოდა წყლით.
მას შემდეგ, რაც ლინზებმა 30 ან 90 დღის მზის სხივის ექვივალენტი მიიღეს, მეცნიერებმა გააანალიზეს წყალი, რომელშიც ისინი ინახებოდა.
მათ აღმოაჩინეს, რომ უფრო მოკლე სიცოცხლის ხანგრძლივობის ლინზები მეტ მიკროპლასტმასს გამოყოფს.
ავტორებმა მოითხოვეს „სასწრაფო“ კვლევის ჩატარება იმ ჯანმრთელობის რისკების შესახებ, რომლებსაც ეს პაწაწინა ნაწილაკები უქმნიან ადამიანებს, როდესაც ისინი სხეულში თვალებიდან მოხვდებიან.
ხელს უწყობს თუ არა კონტაქტური ლინზები პლასტმასის დაბინძურებას?
მიკროპლასტმასი პლასტმასის დაბინძურების უფრო ფართო პრობლემის მხოლოდ ერთი ნაწილია.
მხოლოდ დიდ ბრიტანეთში ყოველწლიურად 750 მილიონზე მეტი კონტაქტური ლინზა იყრება ჩამდინარე წყლებში ან ნაგავსაყრელზე.
მათ დაშლას 500 წლამდე სჭირდება.
ადამიანის მიერ ოდესმე წარმოებული ათი მილიარდი ტონა პლასტმასიდან ექვსი მილიარდი ნაგავსაყრელებზე დევს ან გარემოს აბინძურებს.
ამას დამანგრეველი გავლენა აქვს ველურ ბუნებაზე. მაგალითად, ზღვის ფრინველების 90%-ზე მეტი ნაწლავებში პლასტმასის დაგროვებისგან იტანჯება.
