იტალიაში მეწყრის შედეგად სასაფლაოს ნაწილი ზღვაში ჩაინგრა, რის შედეგადაც წყალში ცხედრებით სავსე დაახლოებით 200 კუბო ტივტივებდა, იტყობინება La Stampa.
გენუასთან ახლოს მეწყერი მოხდა. სასაფლაოს ნაწილი ზღვაში ჩაინგრა, რამაც ორი სამლოცველოს ფასადები დააზიანა. სასაფლაოს თანამშრომლები სასწაულებრივად გადარჩნენ.
მყვინთავები ცდილობენ ზღვიდან ცხედრების ამოყვანას. დამონტაჟებულია სპეციალური ბარიერები, რათა ისინი ძალიან შორს არ ტივტივდნენ. დაღუპულთა შეშფოთებული ნათესავები შემთხვევის ადგილზე შეიკრიბნენ.
წინასწარი ინფორმაციით, მეწყერი ნიადაგის ეროზიამ გამოიწვია.
