66 წლის პაციენტი ადამიანის იმუნოდეფიციტის ვირუსისგან განიკურნა ლეიკემიის სამკურნალოდ ღეროვანი უჯრედების გადანერგვის შემდეგ. შემთხვევა კალიფორნიაში მოხდა, იტყობინება Sky News.
„როდესაც 1988 წელს აივ ინფექციის დიაგნოზი დამისვეს, ისევე როგორც ბევრ სხვას, მეგონა, რომ ეს სიკვდილის განაჩენი იყო. არასდროს მიფიქრია, რომ ვიხილავდი იმ დღეს, როცა აივ-ისგან გავთავისუფლდებოდი“, - თქვა მამაკაცმა, რომელმაც ანონიმურად დარჩენა ისურვა.
საერთაშორისო შიდსის საზოგადოების (IAS) პრეზიდენტმა განაცხადა, რომ ღეროვანი უჯრედების ტრანსპლანტაციის გამოყენება აივ ინფიცირებულ პაციენტებში ლეიკემიის სამკურნალოდ „მუდმივ იმედსა და შთაგონებას“ იძლევა, რომ ეს ეპიდემიაც მალე დაძლეული იქნება.
