მკვლევარებმა 2000 ზრდასრული ამერიკელი გამოკითხეს, რათა გაერკვიათ, არსებობდა თუ არა რაიმე პიროვნული კორელაცია ცხარე საკვების სიყვარულთან.
აღმოჩნდა, რომ ცხარე საკვების მოყვარულებს უფრო მეტად სიამოვნებთ ახალი კერძების გასინჯვა (76%), თავს მიმზიდველად თვლიან (62%) და უფრო კმაყოფილები არიან თავიანთი ცხოვრებით (66%), ვიდრე მათ, ვინც უფრო ზომიერ ცხარეს ანიჭებს უპირატესობას.
ცხარე საკვების მოყვარულთაგან 21% თავს ექსტროვერტად მიიჩნევს, იმ ადამიანთაგან კი, ვინც ნაკლებად ცხარე საკვებს მიირთმევს, 15%. ცხარე საკვების მოყვარულები ასევე უფრო მეტად აღწერენ საკუთარ თავს, როგორც კრეატიულებს (54%), თავდაჯერებულებს (51%) და თავგადასავლების მოყვარულებს (44%).
მეორე მხრივ, ისინი, ვინც რბილ საკვებს ანიჭებენ უპირატესობას, უფრო მეტად აღწერენ საკუთარ თავს, როგორც თანამგრძნობებს (41%) და მორცხვებსაც კი (37%). საშუალო სიცხარეს ანიჭებენ უპირატესობას ისინი, ვინც სადღაც შუაში არიან და საკუთარ თავს მშვიდებს (50%) და ცნობისმოყვარეებს (44%) უწოდებენ. ცხარე საკვების მოყვარულებს ასევე უყვართ მოგზაურობა (76%) და კიდევ უფრო მეტად ვეგეტარიანელობენ.
