ვლადიკავკაზის ლენინსკის რაიონულმა სასამართლომ, რუსეთის საგამოძიებო კომიტეტის მოთხოვნით, 20 აპრილს არასანქცირებული მიტინგის ორი მონაწილე დააკავა, რომლებიც ხულიგნობაში არიან ეჭვმიტანილები. ამის შესახებ ჩრდილოეთ ოსეთის საერთო იურისდიქციის სასამართლოების ერთობლივი პრესსამსახური იტყობინება.
„სასამართლომ, ბრალდებულების პიროვნებისა და იმ ფაქტის გათვალისწინებით, რომ ერთ-ერთ მათგანს ნასამართლეობა ჰქონდა, კაიტმაზოვ ზ.მ.-ს და კონიევ უ.ა.-ს აღმკვეთი ღონისძიება პატიმრობის სახით შეურჩია“, - ნათქვამია განცხადებაში.
დაკავებულებს ბრალი ედებათ რუსეთის ფედერაციის სისხლის სამართლის კოდექსის 213-ე მუხლის მე-2 ნაწილით გათვალისწინებული დანაშაულის ჩადენაში ( ხულიგნობა, ჩადენილი პირთა ჯგუფის მიერ წინასწარი შეთქმულებით ).
დაზუსტებულია, რომ რუსეთის საგამოძიებო კომიტეტმა თავდაპირველად ასევე შეიტანა შუამდგომლობა პროტესტის კიდევ ერთი მონაწილის - გორსკის სახელმწიფო უნივერსიტეტის პირველი კურსის სტუდენტის, რომელიც ობოლია, დაკავების შესახებ. თუმცა, სასამართლომ უარი თქვა დაკავებაზე და აუკრძალა მას საერთო საცხოვრებლის დატოვება, საჯარო ღონისძიებებზე დასწრება ან ინტერნეტზე წვდომა.
20 აპრილს, ვლადიკავკაზში, შტიბას მოედანზე თვითიზოლაციის რეჟიმის წინააღმდეგ არასანქცირებული საპროტესტო აქცია გაიმართა. მომიტინგეები მოგვიანებით მთავრობის სახლისკენ გადაინაცვლეს. ისინი აპროტესტებდნენ შეზღუდვებს, ასევე ჩრდილოეთ ოსეთიდან ოპერის მომღერლის, ჩელდიევის დაკავებას, რომელმაც ადრე შემზღუდავი ზომების წინააღმდეგ გამოვიდა.
ჩრდილოეთ ოსეთის ლიდერმა ვიაჩესლავ ბიტაროვმა მომიტინგეებს კონსტრუქციული დიალოგისკენ მოუწოდა და მოგვიანებით საინიციატივო ჯგუფს შეხვდა.
დაახლოებით 50 მონაწილეს სასამართლოს გადაწყვეტილებით უკვე მიესაჯა 15 დღემდე ვადით ადმინისტრაციული პატიმრობა არასანქცირებული პროტესტის მონაწილეობისთვის.
რუსეთის ფედერაციის საგამოძიებო კომიტეტის მონაცემებით, არასანქცირებული მიტინგში დაახლოებით 2000 ადამიანი მონაწილეობდა. აქციის დაუდგენელი მონაწილეების უკანონო ქმედებების შედეგად, 13 სამართალდამცველი დაშავდა.
