უკრაინის გენერალური პროკურატურის ცნობით, ცენტრალურ უკრაინაში, ვინიცაზე სარაკეტო დარტყმის შედეგად სულ მცირე 17 ადამიანი დაიღუპა, დაახლოებით ასმა კი სამედიცინო დახმარება მოითხოვა.
დღეს დილით ქალაქის ცენტრში რამდენიმე აფეთქება მოხდა. გავრცელებული ინფორმაციით, რაკეტები საოფისე შენობას მოხვდა, ასევე დაზიანდა საცხოვრებელი შენობები. დაღუპულებს შორის მცირეწლოვანი ბავშვია.
უკრაინის პრეზიდენტმა ვოლოდიმირ ზელენსკიმ რუსეთი დარტყმებისთვის მშვიდობიანი სამიზნეების განზრახ შერჩევაში დაადანაშაულა და ინციდენტს „ღია ტერორისტული აქტი“ უწოდა.
